news

01/01/2018


ონლაინ მაღაზიის დიზაინის 6 ძირითადი პრინციპი

06/19/2019

დღეს წარმოუდგენელია ონლაინ მაღაზიებმა შეწყვიტონ არსებობა. პირიქით, მათი რიცხვი ყოველდღიურად საგრძნობლად მატულობს. მიეცით მომხმარებელს ონლაინ შოპინგის შესაძლებლობა და თქვენი ბიზნესი გავითარების ახალ საფეხურზე გადავა.

მიუხედავად იმისა, ყიდით რაიმეს ექსკლუზიურად ონლაინ, თუ ონლაინ გაყიდვები თქვენი ბიზნესის ერთ-ერთი შემადგენელი ნაწილია,  ელექტრონული ვებ-გვერდის ხარისხს გადამწყვეტი მნიშვნელობა აქვს თქვენი წარმატებისთვის. თუ  აპირებთ თქვენი ონლაინ მაღაზიისთვის ახალი დიზაინის შექმნას ან არსებულის შეცვლას, ეს სტატია თქვენთვის არის.

 

1.მარტივი ნავიგაცია

ნუ აიძულებთ მომხმარებლებს, გაიარონ უამრავი პროცედურა ნივთის საყიდლად. თქვენ გააქცევთ კლიენტებს.

რაც უფრო ჩახლართულია ნავიგაცია თქვენს გვერდზე, მით უფრო დაბალია საიტის კონვერსიის მაჩვენებელი. გვერდის ნავიგაცია უნდა იყოს მარტივი და ინტუიტიური. გამოიყინეთ საიტზე მარტივი UX დიზაინი.           

   

2.მოიპვეთ ნდობა

სამწუხაროდ, ზოგიერთი ელექტრონული მაღაზია თაღლითურად ცდილობს მომხმარებელთა თანხების მითვისებას. თქვენი ამოცანაა, ნდობის მოპოვების გზით,  დაარწმუნოთ თქვენი ონლაინ მაღაზიის ვიზიტორები, რომ თქვენ არ ხართ ერთ-ერთი მათგანი.

ამისათვის არსებობს რამდენიმე გზა:

  • იმუშავეთ თქვენი ბრენდის ცნობადობის ამაღლებაზე, რათა მომხმარებლები ცნობდნენ თქვენი კომპანიის ლოგოსა და სახელს;
  • გამოიყენეთ სანდო ელექტრონული კომერციის პლატფორმა, როგორიცაა CS-CART;
  • უზრუნველყავით უსაფრთხოების ზომები თქვენს ვებ-გვერდზე, როგორიცაა SSL სერტიფიკატის დაცვა;
  • გარკვევით გამოაქვეყნეთ თქვენი საკონტაქტო ინფორმაცია, კონფიდენციალურობის დებულება და დაბრუნების პირობები.

   

3.სანდო ვებ-ჰოსტინგი

შესთავაზეთ მომხმარებელს  სანდო ვებ-ჰოსტინგი. ამით თქვენ თავიდან აირიდებთ საიტის უმოქმედობას და უზრუნველყოფთ ვებ-გვერდის სწრაფ ჩატვირთვას.

სტატისტიკური მონაცემებით, ინტერნეტ მომხმარებლების 20% არ დაელოდება საიტის ჩატვირთვას, თუ ის 3 წამზე მეტ ხანს იტვირთება. მეტი მოთმინებით გამოირჩევიან მობილური მოწყობილობებით შემოსული ვიზიტორები, რადგან ისინი ამ შეფერხებას მობილურ პროვაიდერს აბრალებენ.

   

 4.მოქნილი დიზაინი

დღეს ვიზიტორების უმრავლესობა არ შედის თქვენს საიტზე დესკტოპისა და ნოუთბუქის საშუალებით. ვებ-ტრაფიკის 52%, მოდის მობილურ მოწყობილობებზე.

თუ თქვენი ელექტრონული კომერციის საიტი არ არის გათვლილი მობილური მოწყობილობებისთვის, სავარაუდოა, რომ ამით თქვენი ბიზნესი იზარალებს და მოგება წილად ხვდება თქვენს წინდახედულ კონკურენტებს.

როდესაც ქმნით ელექტრონული კომერციის გვერდს, დატესტეთ იგი სხვადასხვა მობილურ მოწყობილობებზე. თუ შემოწმებისას აღმოაჩენთ რაიმე სახის პრობლემებს, გამოასწორეთ ისინი, რათა ამან არ იმოქმედოს საიტის კონვერსიაზე.

     

5.პროდუქტის მიმოხილვები

მომხმარებლებს პროდუქტის შეძენამდე სურთ შეიტყონ, რას ფიქრობენ მასზე სხვები. კვლევების მიხედვით მომხმარებელთა 95%, ნივთის შეძენამდე ეცნობა სხვების ონლაინ მიმოხილვებს.

საბედნიეროდ,  დღეს პოპულარული ელ. კომერციის პლატფორმები, მაგალითად CS-CART გვაძლევენ  შესაძლებლობას დავამატოთ ეს ფუნქცია ჩვენს საიტზე. გარდა იმისა, რომ ეს პროდუქციის რეკლამირების შესანიშნავი საშუალებაა, აგრეთვე იგი უზრუნველყოფს აუდიტორიის ჩართულობას თქვენს გვერდზე.

     

6.ვიზუალურად მიმზიდველი

თქვენ შეგიძლიათ შეასრულოთ ყველა ზემოთ აღნიშნული პუნქტი, მაგრამ თუ თქვენი საიტი არ არის ვიზუალურად მიმზიდველი, თქვენ ვერ დააინტერესებთ კლიენტებს.  თვენი გვერდის ვიზიტორები მომენტალურად იღებენ გადაწყვეტილებას, ამიტომ საიტზე გამოყენებული დიზაინი და ფოტომასალა უნდა იყოს ხარისხიანი.

თქვენი ონლაინ მაღაზია უნდა გამოიყურებოდეს, როგორც ფიზიკური მაღაზიის ვიტრინა და ამისათვის რამოდენიმე ხრიკიარსებობს. პირველ რიგში, მოათავსეთ ნივთები თეთრ ფონზე. ეს მიმზიდველად გამოიყურება ადამიანების უმეტესი ნაწილისთვის და აადვილებს ნივთის დეტალების  გარჩევას.

მეორე ვარიანტია,გამოიყენოთ ფოტოები, სადაც ნივთის მოხმარების პროცესია ასახული.ეს განსხვავებულ პერსპექტივაში წარმოაჩენს საგანს და  დაეხმარება მომხმარებლებს წარმოიდგინონ, როგორ მოიხმარენ თქვებს პროდუქციას ყოველდღიურ ცხოვრებაში.

დასკვნა

როდესაც საქმე ელექტრონული კომერციის ვებ-გვერდს ეხება, მომხმარებელთა გამოცდილების ხარისხს გადამწყვეტი მნიშვნელობა აქვს თქვენი მოგების გასაზრდელად. საბედნიეროდ, თქვენ შეგიძლიათ ამ მიზნის მიღწევა, თუ დაიცავთ წარმატებული ონლაინ მაღაზიის დიზაინის ძირითად პრინციპებს, როგორიცაა მარტივი და ინტუიციური დიზაინი, სანდო ჰოსტინგი და სწორედ არჩეული ელექტრონული კომერციის პლატფორმა.

 

 

ინოვაციური ტექნოლოგიების ონლაინ მაღაზია SMARTER.GE

06/18/2019

Smarter.ge წარმოადგენს პირველ ინოვაციურ ტექნიკის მაღაზიას საქართველოში.

როგორ მივაღებინოთ მომხმარებელს ყიდვის გადაწყვეტილება

06/18/2019
როგორ მივაღებინოთ მომხმარებელს ყიდვის გადაწყვეტილება

ონლაინ მომხმარებლების 60-80% ტოვებს თავის კალათას. ეს კი ნიშნავს, რომ  ადამიანები აპირებდნენ ნივთის შეძენას, მაგრამ ბოლომდე არ იყვნენ დარწმუნებულები მის საჭიროებაში. კალათის მიტოვების მიზეზი შესაძლებელია იყოს ასევე შეუსაბამო ფასი ან ვებ-გვერდის გაუმართაობა, მაგრამ ეს პრობლემებიც  გამოსწორებადია.

ამ სტატიაში განვიხილავთ სხვადასხვა გზებს, რომელთა საშუალებითაც შეიძლება გაზარდოთ იმ ადამიანების რაოდენობა, რომლებიც დაამატებენ ნივთებს კალათაში და ბოლომდე მიყვებიან ყიდვის პროცესს.

ქვემოთ ჩამოთვლილი მინიშნებები დაგეხმარებათ აქციოთ თქვენს მაღაზიაში შემოსული სტუმრები მყიდველებად.

ისაუბრეთ თქვენი კომპანიის სარგებელზე

ეს თითქოს აშკარაა, მაგრამ ბიზნესების უმეტესობა უხსნის მყიდველს პროდუქტის შინაარსს და არა იმას, რა სარგებელს მოუტანს ეს ნივთი მყიდველს და როგორ გააუმჯობესებს მის ცხოვრებას. თუ მომხმარებელი გააცნობიერებს ამას, ბევრად მარტივი იქნება მისი დარწმუნება იმაში, რომ თქვენი პროდუქცია მისთვის აუცილებლობას წარმოადგენს.

თქვენ არ გევალებათ  მნიშვნელოვანი საკითხების მოგვარება ან ვინმეს სიცოცხლის გადარჩენა. თქვენი ამოცანაა დაეხმაროთ მომხმარებელს იმის წარმოდგენაში, თუ როგორ მოიხმარენ ისინი ამ პროდუქტს. დაარწმუნეთ ისინი მოცემული ნივთის აუცილებლობაში.

გააზიარეთ  პროდუქციის დამზადების პროცესი

პროდუქტის დამზადების პროცესის გაზიარება ხდის თქვენს კომპანიას გამორჩეულს და იზიდავს მომხმარებლის ყურადღებას. თქვენ მარტივად შეგიძლიათ დეტალური ფოტოების განთავსება ონლაინ ჩამონათვალში. ასევე, შეგიძლიათ  ატვირთოთ დამზადების პროცესთან დაკავშირებული ვიდეო ან ბლოგ პოსტი.

მიუხედავად იმისა, რომ შეიძლება თქვენი კონკურენტებიც მიმართავდნენ ამ ხერხს, მყიდველმა შეიძლება არ იცოდეს, რომ ეს მიღებული ნორმაა. ის ფაქტი, რომ თქვენ ეს აღნიშნეთ, არწმუნებს მომხმარებელს თქვენს გამორჩეულობაში და საბოლოოდ ის არჩევანს თქვენს პროდუქციაზე აჩერებს.

აღნიშნეთ კომპანიის პოპულარობა

უნდა ვაღიაროთ, რომ ჩვენ ვართ ბრბოს აყოლილი ქმნილებები. თუ თვენ მიერ წარმოებული პროდუქცია ათასობით ადამიანს მოსწონს, სხვა მყიდველებიც ჩათვლიან, რომ ღირს მისი შეძენა.

მიუხედავად იმისა, რომ  შეიძლება ვერ მოახერხოთ რეკომენდაციის მიღება თითოეული მომხმარებლისგან, თქვენ შეგიძლიათ აღნიშნოთ, რომ არსებობს უამრავი ადამიანი, რომელიც ენდობა თქვენს ბრენდს. მაგალითად, „შეუერთდით ასობით ადამიანს, რომლებმაც აირჩიეს ჩვენი პროდუქცია“. მაგრამ დარწმუნდით, რომ თქვენ არ აკეთებთ ყალბ განცხადებებს და არ შეგყავთ მყიდველი შეცდომაში.

მოახდინეთ თქვენი სამუშაო გარემოს აფიშირება

როგორია თქვენი სამუშაო გარემო. სად მზადდება თქვენი პროდუქცია?

მაგალითად, სუფთა სამზარეულოში დამზადებული ნამცხვრები უფრო ხარისხიანად მიიჩნევა, ვიდრე ნამცხვრები რომელთა დამზადების გარემო და პირობები არაა ნაჩვენები.

შემოქმედის პროდუქცია უფრო ორიგინალურად და ავთენტურად გამოიყურება, როდესაც ის დამზადებულია სტუდიაში, რომლის ექსტერიერიც დამშვენებულია აგურითა ან ხით და  მდებარეობს ქალაქის ცენტრში.

თქვენი სამუშაო სივრცის ფოტოების გავრცელება შეიძლება არ იყოს ის რაც მომხმარებელს აინტერესებს, მაგრამ ის აუცილებლად აღნიშნავს კომპანიის პროფესიონალიზმს. ამგვარად, შეგიძლიათ მომხმარებლის ნდობის მოპოვება, ისინი დარწმუნდებიან, რომ თქვენ საქმეს სერიოზულად უდგებით.

ნდობის მოპოვება

თუ ვათვალიერებ ონლაინ მაღაზიას, რომელიც ნაკლებად ცნობილია, მეტად სკეპტიკურად ვარ მის მიმართ განწყობილი. მრავალი ამბავი მომისმენია, რომელშიც პროდუქტის გამოწერისას ის ან დროზე გვიან ჩამოსულა ან კი საერთოდ არ ჩამოსულა. ასევე ყოველთვის არის საშიშროება იმისა რომ პროდუქტი ისეთი არაა, როგორიც ფოტოში. შემოგთავაზებთ რამდენიმე ხრიკს იმისათვის რომ მოიპოვოთ მომხმარებლის ნდობა.

რეკომენდაციები

თუ ასობით ადამიანი კარგად აფასებს თქვენს პროდუქტს, ან თუნდაც რაიმე შეკითხვა აქვთ, აუცილებლად მიეცით შესაძლებლობა რეკომენდაციის დაწერის. ეს თქვენს პოტენციურ მომხმარებელს დაარწმუნებს თქვენი პროდუქტის ხარისხში.

ბევრი მომხმარებელი რეკომენდაციის დაწერაზე არ ფიქრობს. ამიტომ თქვენ მათთვის თხოვნა მოგიწევთ. არსებობს ორი ვარიანტი: თხოვოთ პროდუქტის შეძენიდან რამდენიმე დღეში, ან დროდადრო ერთი წლის განმავლობაში.

გამოიყენეთ ეს დრო გამოსადეგი გამოხმაურებების შეგროვებაში, რაც ასევე დაგეხმარებათ პროდუქტის გაუმჯობესებაში. თქვენ შეგიძლიათ დასვათ კითხვები: "როგორ გამოიყენეთ ჩვენი პროდუქტი?" ან "რა არის ჩვენი პროდუქტის ყველაზე ძლიერი მხარე?", რომელიც სჯობს ზოგად კითხვებს მაგალითად "შეაფასეთ ჩვენი პროდუქტი". მომხმარებლების უმეტესობას დიდი დრო არ ექნება რეკომენდაციის დასაწერად. ამ გამარტივებული მეთოდით კი  მეტ და გამოსადეგ რეკომენდაციას მიიღებთ.

პროდუქტის გამოწერაში დაზღვევის ჩართვა

როგორ ფიქრობთ, იქნება კომპანია უფრო სანდო თუ ის გარანტიას გაძლევთ, რომ პროდუქტის დაზიანების შემთხვევაში თქვენი ფული ანაზღაურდება? აღნიშნეთ თქვენს სადაზღვეო პოლისში, რომ თქვენ ზრუნავთ მომხმარებელზე და პროდუქტზე.

ყველა კომპანიას არ შეუძლია იმის გარანტირება, რომ მომხმარებელი კმაყოფილი იქნება პროდუქტით და უკმაყოფილობის შემთხვევაში დააბრუნოს ფული. მაგრამ სამაგიეროდ შეუძლია უფასო შეკეთების სერვისის შეთავაზება გარკვეული დროის ფარგლებში.

წარადგინეთ სერტიფიკატები

ხელოვნების და შემოქმედების დადებითი მხარეა ის, რომ თქვენ არ გჭირდებათ სერტიფიკატები თქვენი პროფესიონალიზმის დასამტკიცებლად, მაგრამ ამ ფაქტს უამრავი ადამიანი იყენებს, რომელიც ცდილობს თავისი ხელნაკეთი ნივთების გაყიდვას. რითი გამოირჩევით მათგან? განმარტეთ რატომ ხართ საკმარისად კვალიფიცირებული თქვენი პროდუქციის გასაყიდად, ამით თქვენი მომხმარებლების ნდობას დაიმსახურებთ და გაუქარწყლებთ ეჭვებს, რომ თქვენი მოქსოვილი ახალი ქუდი გაირღვევა ან თქვენი საპონი გამონაყარს გაუჩენს.

თუ თქვენ არ ფლობთ ჯილდოებს და სერტიფიკატებს, მაგრამ უამრავი დრო დაუთმეთ მასალების/ინგრედიენტების შესწავლას, ესეც აღსანიშნია. ან იქნებ რომელიმე ცნობილი კომპანია გასპონსორებთ. ის ფაქტი, რომ თქვენს გვერდით ძლიერი კომპანია დგას, კიდევ უფრო დაარწმუნებს თქვენს კლიენტებს, რომ თქვენი პროდუქცია სანდოა.

ისაუბრეთ თქვენს ფასეულობებზე

კიდევ ერთი სფერო, რომელიც გამოგარჩევთ კონკურენტებისგან. მნიშვნელოვანია თქვენი და მომხმარებლის ფასეულობები ემთხვეოდეს, რადგან ამგვარად თქვენ მის ერთგულებასა და ნდობას მოიპოვებთ.

მომხმარებლის დაკმაყოფილება თქვენი პრიორიტეტი უნდა იყოს. მომხმარებელი უნდა დარწმუნდეს, რომ თქვენ ზრუნავთ მასზე და რომ მათ მიერ შეძენილი პროდუქტი გადახდილ ფასს შეესაბამება.

მაგალითად, თუ ცხოველთა უფლებების დაცვა თქვენთვის მნიშვნელოვან საკითხს წარმოადგენს, შეგიძლიათ აღნიშნოთ რას აკეთებთ მათ მხარდასაჭერად. ეს შეიძლება იყოს შემოწირულობა თქვენი მოგებიდან ან მოხალისეობა ცხოველთა თავშესაფარში.

თუმცა ამით პროდუქტის არსი არ იცვლება, მომხმარებელი იგრძნობს უფრო ღრმა კავშირს და უფრო გენდობათ, რადგან თქვენც ისევე ზრუნავთ ცხოველებზე, როგორც ისინი.

თავი აარიდეთ ფინანსურ გაუგებრობებს

მომხმარებელთა მიერ კალათის მიტოვების ერთ-ერთი ძირითადი მიზეზია ფინანსებთან დაკავშირებული გაუგებრობები. წარმოგიდგენთ რამდენიმე საკითხს, რომელსაც ყურადღება უნდა მიაქციოთ:

ერიდეთ დამატებით საფასურის დარიცხვას:

იყავით გულწრფელნი მომხმარებლების წინაშე, როდესაც საქმე პროდუქტის საბლოო ფასს ეხება. დაუსახელეთ მომხმარებელს პროდუქტის და მისი მიტანის სერვის დაახლოებითი ფასი.  დააფიქსირეთ მიტანის სერვისისა და დამატებითი გადასახადების ღირებულება.

თუ საფოსტო სერვისების საფასური ძალიან მაღალია, თქვენ შეგიძლიათ მიამატოთ ამ თანხის ნაწილი პროდუქტის საფასურს.

გადაზიდვა:

შეეცადეთ გქონდეთ რამდენიმე ვარიანტი, როდესაც საქმე ეხება ტრანსპორტირებას. როდესაც დაჩქარებული მიტანა ღირს 35 ლარი, მშვენიერი ვარიანტია 10 ლარის გადახდა სტანდარტულ მიტანაში.

ვალუტის ფუნქცია:

თუ თქვენს ონლაინ მაღაზიას სხვა ქვეყნის წარმომადგენლებიც სტუმრობენ, დაამაატეთ მათთვის ვალუტის კონვერტაციის ფუნქცია. ამ შემთხვევაში მათ ეცოდინებათ პროდუქციის ზუსტი ფასები და არ დასჭირდებათ კალკულატორი ღირებულების გამოსათვლელად.

ვებ-გვერდის გამოყენებადობა:

დღესდღეობით, ონლაინ სივრცეში რთულია მომხმარებლის ყურადღების დიდი ხნით მიპყრობა, ამიტომ თქვენი ონლაინ მაღაზია უნდა იყოს სწრაფი და მარტივი. რეგულარულად შეამოწმეთ თქვენი საიტი და დარწმუნდით, რომ ყველაფერი გამართულად მუშაობს.

გაამარტივეთ ნავიგაცია

იქონიეთ მარტივი და გასაგები ვებდიზაინი, ყველა ღილაკს მიუთითეთ შესაბამისი სახელწოდება. რა თქმა უნდა მნიშვნელოვანია გვერდის კრეატიულად გაფორმება, მაგრამ გასათვალისწინებელია ისიც, რომ ტექსტის უმნიშვნელო ცვლილებებმაც კი შესაძლოა დიდი ზეგავლენა მოახდინოს კომპანიის გაყიდვებზე. მაგალითად, ღილაკ “ყიდვა”-ს ნაცვლად, “დაამატე შენს კარადას” განთავსება  შესაძლოა სახალისოდ და კრეატიულად ჟღერდეს, თუმცა ამან შესაძლოა დააბნიოს მომხმარებელი. ამიტომაც მნიშვენლოვანია გახადოთ თვალნათელი ყველა ღილაკის ფუნქცია.

ვებ-გვერდის სისწრაფე

თუ თქვენი საიტის გასახსნელად რამდენიმე წამზე მეტია საჭირო, მომხმარებელი არ დაელოდება საიტის ჩატვირთვას და გათიშავს მას. ამიტომაც,ღირს ბიუჯეტის გამეტება გვერდის განვითარებისთვის, რათა უზრუნველყოთ მისი სისწრაფე და სტაბილურობა.

გაამარტივეთ საგადასახადო პროცედურები

თუ თქვენს ონლაინ გვერდს გაუგებარი და რთული საგადასახადო პროცედურები აქვს, ავალდებულებს მომხმარებელს დარეგისტრირდეს თქვენს საიტზე, მომხმარებელი შეწუხდება და სასურველ პროდუქტს სხვა, შედარებით დალაგებული ონლაინ მაღაზიიდან შეიძენს. ამიტომაც ნუ შეაწუხებთ მომხმარებელს ზედმეტი პროცედურებით- გაუმარტივეთ საქმე და დაუზოგეთ დრო.

დასკვნა:

ამგვარად, ბლოგში გადმოვეცით რამდენიმე ხერხი, თუ როგორ ვაქციოთ ჩვენი ,,დაინტერესებული“ მომხმარებელი ,,მყიდველად“. როგორ და რა სახით გავაცნოთ ჩვენი პროდუქტი, როგორ მოვიპოვოთ მათი ნდობა და ვიყოთ მომხმარებლის თვალში ერთგული და პოპულარული.

ელექტროტექნიკის ონლაინ მაღაზია COMPI.GE

06/17/2019

ონლაინ მაღაზია compi.ge გთავაზობთ კომპიუტერული ტექნიკის, ტექ-სერვისის, მობილური ტელეფონების და აქსესუარების ფართო ასორტიმენტს. მომხმარებელს საშუალება აქვს მარტივად, სახლიდან გაუსვლელად, შეიძინოს სასურველი მოწყობილობა.

როგორ შევქმნათ წარმატებული ონლაინ მაღაზია

06/11/2019

ონლაინ მაღაზია გაცილებით იაფი შესანახი და სამართავია, ვიდრე ფიზიკური, მაგრამ როგორ უნდა უზრუნველვყოთ მისი წარმატება. წარმოგიდგენთ რამდენიმე რჩევას ონლაინ  ანტერპრენერისთვის.

მობილურმა მოწყობილობებმა და პლანშეტებმა მნიშნელოვნად შეცვალეს სავაჭრო პროცესი და შესყიდვის გზები. დღევანდელ დღეს, თქვენ შეგიძლიათ ნებისმიერი ნივთის შეძენა სავარძლიდან აუდგომლად. აქედან გამომდინარე, მუდმივად ჩნდება ახალი ონლაინ მაღაზიები, მომხმარებელთა სხვადასხვა სეგმენტის მოსამარაგებლად.

ონლაინ მაღაზიის შექმნა შეიძლება ერთი შეხედვით ადვილი ჩანდეს, დომეინი, კარგი ჰოსტინგი, კონტენტის მართვის სისტემა და თემა.

სინამდვილეში, საკმაოდ რთულია კარგი ონლაინ მაღაზიის შექმნა და კიდევ უფრო ძნელია გახადო იგი წარმატებული და მოსახერხებელი. ქვემოთ მოყვანილი სასარგებლო რჩევები დაგეხმარებათ გადალახოთ სირთულეები და გახდეთ წარმატებული ონლაინ მარაზიის მფლობელი.

მთავარი გვერდი

მთავარი გვერდი კომპანიის სახეა. აქედან გამომდინარე, ის მარტივად წაკითხვადი და გასაგები უნდა იყოს. თქვენი მომხმარებლები აფასებენ ძვირფას დროს, ამიტომაც ისინი არ მოუნდებიან იმის გარკვევას, თუ რას ყიდით თქვენ ან რა სერვისს სთავაზობთ. ეცადეთ, გადასცეთ მომხმარებელს ინფორმაცია მოკლედ და კონკრეტულად. ნუ დაწერთ, როდის იყო თქვენი კომპანია დაარსებული და რამდენი თანამშრომელი გყავთ შტატში, შეინახეთ ეს ინფორმაცია გვერდისთვის „ჩვენს შესახებ“. რა თქმა უნდა, არის გამონაკლისები, მაგრამ აქ საუბარია ზოგად შემთხვევაზე.

ონლაინ მაღაზიის შექმნა

ეს საწყისი გვერდის სქინშოტია. მასზე ვერ შეხვდებით ვრცელ ტექსტსა და შეუსაბამო ინფორმაციას. თქვენ წამებში მიხვდებით, რას გთავაზობთ მაღაზია.

აგრეთვე, საიტის ნავიგაციის გასამარტივებლად,  საწყის გვერდზე სასურველია მოცემული იყოს პროდუქციის კატეგორიები. ასევე, ბანერები, სპეციალური შეთავაზებებითა და აქციებით.

საწყის გვერდზე სასურველია განათავსოთ კონტაქტები და ონლაინ ჩატი, რათა სწრაფად უპასუხოთ მომხმარებლის კითხვებს. ეს არის საუკეთესო საკომუნიკაციო პლატფორმა, რომელიც მომხმარებელს რეალურ დროში ყველაზე სწრაფ რეაგირებას სთავაზობს.ონლაინ ჩატს აქვს მომხმარებელთა მოთხოვნების დაკმაყოფილების უმაღლესი დონე (73%), ვიდრე ელ-ფოსტას (61%) და ტელეფონს (44%).

კატეგორიების გვერდი

იფიქრეთ თქვენს ონლაინ მაღაზიაზე, როგორც ფიზიკურზე, თქვენი კატეგორიების გვერდი, უნდა შეიცავდეს ქვე-განყოფილებებს. აჩვენეთ მომხმარებელს რა გიდევთ „თაროებზე“: განათავსეთ პროდუქციის ფოტოები, დაამატეთ კალათის ფუნქცია და სხვა სასარგებლო ინფორმაცია (მოკლე აღწერა, რეიტინგი და ა.შ.)

 

ზოგიერთი ონლაინ მაღზია იყენებს ფუნქციას სწრაფი ხედი (quick view), თუმცა იგი ამცირებს გვერდების ნახვის რაოდენობას, რადგან მომხმარებელს აღარ უწევს გახსნას თითოეული პროდუქტის გვერდი  ცალკე ფანჯარაში.

ონლაინ მაღაზიების შექმნა

დატესტეთ სხვადასხვა ვერსია, რათა მიხვდეთ რომელი მიდგომაა თქვენთვის ყველაზე მისაღები. ყველაფერი დამოკიდებულია თქვენი პროდუქციის ასორტიმენტზე და მომხმარებელზე, რომელსაც ემსახურებით.

პროდუქტის გვერდი

თუ თქვენ ონლაინ მაღაზიის მფლობელი ხართ, პროდუქციის გვერდებს გადამწყვეტი მნიშვნელობა აქვს თქვენი ბიზნესისთვის. სწორედ მათ უნდა აქციონ  საიტის სტუმრები თქვენს მომხმარებლებად. საბოლოო გადაწყვეტილებაზე დიდ გავლენას ახდენს იმ ინფორმაციის ხარისხი და რაოდენობა, რომელსაც თქვენ აწვდით მომხმარებელს პროდუქციის შესახებ. მაგრამ, ეს არ ნიშნავს იმას, რომ ამისათვის საჭიროა 1000 სიტყვიანი აღწერა; თქვენი მიზანია, რაც შეიძლება სწრაფად და ლაკონურად გადასცეთ შესაბამისი ინფორმაცია, ასე რომ, ის უნდა იყოს მაქსიმალურად ორგანიზებული და ადვილად გასაგები.

ონლაინ მაღაზიების დამზადება & ონლაინ მაღაზიების შექმნა&საიტის შექმნა

ქვემოთ მოყვანილია პროდუქტის გვერდის აუცილებელი კომპონენტები:

ფოტოები

დარწმუნებული ვარ გინახავთ, როგორ არჩევენ ადამიანები პროდუქციას სუპერმარკეტებში. ისინი ყურადღებით შეისწავლიან პროდუქტს, მის ფერს, ფორმას, შეფუთვას, ასევე იზომავენ ტანსაცმელს, რათა შეისწავლონ ქსოვილის ფაქტურა და ა.შ. მაგრამ ისინი იგივეს ვერ გააკეთებენ თქვენს ონლაინ მაღაზიაში, ამიტომ თქვენ უნდა შეავსოთ ეს საინფორმაციო ნაპრალი.

გამოიყენეთ კარგი ხარისხის ფოტო მასალა დაზუმების ეფექტით, აგრეთვე ფერის შერჩევის ფუნქცია, ეს უკანასკნელი ეხება მხოლოდ პროდუქტებს, რომელთა კონფიგურირება არის შესაძლებელი.

პროდუქციის აღწერა

თქვენ შეგიძლიათ დაურთოთ პროდუქციის მოკლე აღწერა სწრაფი სკანირებისას და უფრო ვრცელი აღწერა ტექნიკურ დეტალებში. გარდა ამისა, დიდი ძალისხმევაა საჭირო პროდუქციის დახასიათების დასაწერად, რადგან იგი უნდა იყოს უნიკალური.

ონლაინ მაღაზიების შექმნა & ონლაინ მაღაზიების აწყობა

ფასები

თუ პროდუქტი ჩამოფასებულია, მიაწოდეთ მომხმარებელს ინფორმაცია; შეადარეთ ძველი ფასი ახალს.

ონლაინ მაღაზიების უმეტესობაში ნაჩვენებია ფასები და ეს გასაკვირი არაა, რადგან მყიდველს ურჩევნია იცოდეს რას უნდა მოელოდეს თქვენგან. მით უმეტეს, როდესაც საქმე ფულს ეხება, არავის უნდა სიმწრით ნაშოვნი შემოსავალი უსაფუძვლო რისკის ქვეშ დააყენოს.

რეკლამირება გაუკეთეთ ფასდაკლებულ პროდუქციას.

კალათაში დამატება

მოდით ვიყოთ გულახდილები და ვთქვათ, რომ თქვენი პირველი მიზანი, არა დიზაინი და ლამაზი ფოტოები, არამედ პროდუქტის გაყიდვაა. ასე რომ, თქვენ გინდათ პროდუქტი, რომელიც გამორჩეულია.

თქვენ შეგიძლიათ დაამატოთ ორი ფუნქცია: “შეადარე” და “დაამატე სასურველ ნივთებში”. 

ჯვარედინი გაყიდვები

იმ შემთხვევაში, როდესაც მომხმარებელმა უკვე შეიძინა პროდუქტი თქვენს ონლაინ მაღაზიაში, თქვენი მიზანია შესთავაზოთ მას სხვა პროდუქცია, რომელიც შეესაბამება მის გემოვნებას. თქვენ შეგიძლიათ აჩვენოთ მსგავსი პროდუქტები მომხმარებელს და ამ ტექნიკით გაზარდოთ  საშუალო გაყიდვების მაჩვენებელი თქვენს ონლაინ მაღაზიაში.

სპეციალური შეთავაზებები & პრომო აქციები

 ონლაინ მაღაზიების დამზადება & ონლაინ მაღაზიების შექმნა&საიტის შექმნა.jpg

წარმოიდგინეთ, ვითომ უკვე გაქვთ იდეალური საწყისი გვერდი, კატეგორიებითა და ფასებით. ამ ეტაპზე საჭიროა მოიზიდოთ ახალი მომხმარებელი და ხელიდან არ გაუშვათ არსებული კლიენტები. შეიმუშავეთ მარკეტინგული გეგმა და ჩაატარეთ პრომო აქციები.

საპრეზენტაციო გვერდი (Landing Page)

თუ თქვენს ონლაინ მაღაზიაში გინდათ წარადგინოთ ახალი კოლექცია ან ახალი კატეგორია, ამაში დაგეხმარებათ საპრეზენტაციო გვერდი.

საპრეზენტაციო გვერდის დიზაინი და გზავნილი მთლიანად არის დამოკიდებულია თქვენს ბიზნესზე და მიზნებზე, რომლის მიღწევაც გსურთ. 

ფასდაკლების კოდი

თქვენ შეგიძლიათ შესთავაზოთ მომხმარებელს ფასდაკლებები სხვადასხვა დღესასწაულებზე, რომლების შეიძლება იყოს გლობალური (შობა), ადგილობრივი (გიორგობა) ან თუნდაც პირადი (დაბადების დღე).

თრექინგი & ანალიზი         

როდესაც თქვენ დიდ დროსა და ძალისხმევას ჩადებთ თქვენი ვებ-გვერდის შექმნასა და მის მარკეტინგში, გინდათ შეიტყოთ, თუ როგორ აისახა ეს თქვენს მომხმარებელზე. ამ ინფორმაციის მოპოვების უმარტივესი გზაა Google Analytics კოდის დაყენება.

დასკვნა: 

ამგვარად, ჩვენ გაგაცანით რამდენიმე გზა იმისათვის, რომ თქვენი ბიზნესი იყოს წარმატებული და საინტერესო. შეიტყვეთ რამდენად მნიშვნელოვანია ცალცალკე ყველა დეტალი: კატეგორია, მთავარი გვერდი, პროდუქტის გვერდი, კალათა, ფასები, პრომო აქციები და ა. შ. სწორედ ამ ელემენტების ერთობლიობა და სწორად წარმოჩენაა ონლაინ მაღაზიის წარმატების საწინდარი. ამიტომაც, გაითვალისწინეთ ჩვენი „მოწიწებული“ რჩევები და თქვენი ონლაინ ბიზნესი ყოველთვის იქნება კონკურენტული და გაყიდვადი.

რატომ უნდა შევქმნათ ონლაინ მაღაზია

06/06/2019
რატომ უნდა შევქმნათ  ონლაინ მაღაზია

რამდენიმე ათწლეულის წინ, ჩვენ ვერც კი წარმოვიდგენდით, თუ რამხელა სარგებლის მოტანა შეუძლია ონლაინ მაღაზიას, თუმცა დღეს, ონლაინ ბაზარი და ციფრული მარკეტინგი ჩვენი ცხოვრების ერთერთ უმნიშვნელოვანეს ნაწილს წარმოადგენს.

პირველი რა გაფიქრდებათ ონლაინ მაღაზიის გაგონებაზე? სავარაუდოდ, Amazon, რომელიც მომხმარებელს ფართო არჩევანით უზრუნველყოფს. იმის  მიუხედავად, რომ ციფრული მარკეტინგის სფერო საწყის ეტაპზე დაკავებული იყო Best Buy, Amazon, Walmart და Ebay-ს მიერ, ჩვენ შევესწარით ბევრი ახალბედა კომპანიის ზრდასა და განვითარებას.

სწორედ ამ სწრაფმა ზრდამ განაპირობა ისეთი ბიზნეს მოდელების რეალიზება, რომლებიც არც კი განიხილებოდნენ. მაგალითად, Upwork და Fiverri, ისინი იგივე მარკეტინგის კონცეფციაზე მუშაობენ ( ყიდვა-გაყიდვა), მაგრამ ამ შემთხვევაში ისინი აკავშირებენ ადამიანებს, რომლებსაც სჭირდებათ სამუშაოს შესრულება და რომლებიც მზად არიან შეასრულონ ესა თუ ის სამუშაო. დავალების დიაპაზონი ლოგოს დიზაინისგან, მონაცემთა ანალიზამდე იჭიმება, შესაძლებლობები ულევია.

უნივერსალური პრობლემის გადაწყვეტა

მაშასადამე, რა არის მათი წარმატების საიდუმლო? იმის მიუხედავად, რომ პროგრამული საშუალებები გეხმარებათ დატვირთოთ თქვენი ონლაინ გვერდი სხვადასხვა ტექნოლოგიური ფუნქციებითა და სერვისებით, ის თქვენ რესურსებს ერთი მიზნისკენ მიმართავს, რამაც შეიძლება ან დაგანგრიოთ ან აგაშენოთ. როდესაც კომპანია ცდილობს ონლაინ გვერდი ყველანაირი სერვისით უზრუნველყოს და ყველა ნაკლი გაასწოროს, იგი ადრე თუ გვიან ამტკიცებს თავის არაპროფესეონალიზმს და კრახს განიცდის.

ისმის კითხვა: რა შეიძლება მსგავსმა კომპანიამ გააკეთოს წარმატების მისაღწევად? ეს საკმაოდ მარტივია - იპოვეთ უნივერსალური პრობლემის აღმოფხვრის გზა. ონლაინ მარკეტი, თავის მხრივ, გვიზოგავს დროს და თავიდან გვარიდებს მაღაზიიდან მაღაზიამდე დამღლელ ხეტიალს. როდესაც დიდი დრო, ფული და ძალისხმევა იდება ამ უნივერსალური პრობლემის გადასაჭრელად, ფინანსური ზრდის პოტენციალი უსასრულოა.

მაგალითად Upwork, ის გამორჩეულია ადამიანების პრობლემების გადაჭრით მთელს მსოფლიოში. მანძილი აღარ წარმოადგენს დაბრკოლებას, მომხმარებელს შეუძლია ისარგებლოს სხადასხვა სამუშაოს ხარისხითა და განსაზღვრული ანაზღაურებით, დედამიწის ყველა კუთხეში. მსგავსად Etsy-ც, რომელიც ნებისმიერი კატეგორიის ანტიკური ნივთების ფართო არჩევანს გვთავაზობს. მაშინ როდესაც, ჩვენთვის სასურველი ნივთის მოძებნას რამდენიმე ათეული მაღაზიის შემოვლა სჭირდება, ონლაინ მარკეტი მრავალფეროვანი არჩევანის საშუალებას გვაძლევს.

 მომხმარებელთა ინტერესის შენარჩუნება

იმისათვის, რომ ონლაინ მარკეტმა მომხმარებელთა ულევი რაოდენობა მიიზიდოს, საჭიროა უნივერსალური პრობლემის ეფექტური და ეტაპობრი აღმოფხვრა. მოახდინე პირველხარისხოვანი ონლაინ გვერდის შთაბეჭდილება - უზრუნველყავი იგი სარეიტინგო სისტემით, ფასწარმოების სისტემით და მომხმარებელთა სერვისით, იმ შემთხვევაში თუ ისინი გაუგებარ საკითხს გადაეყრებიან.

საბოლოოდ, ნებისმიერ ონლაინ მაღაზიას სჭირდება სანდო პროვაიდერი, რომელიც რეგულარულად მოამარაგებს მაღალხარისხიანი პროდუქტი.

მზადყოფნა ფინანსური ზრდისთვის

როდესღაც, იმისთვის, რომ გვესარგებლა გარკვეული სერვისით, ჩვენ გვჭირდებოდა “Yellow Page”-ის გამოყენება და ოპერატორთან დაკავშირება, დღევანდელი ტექნოლოგიები კი იგივე სერვისებთან რამდენიმე წამში გვაკავშირებენ.

ონლაინ მაღაზიებს შეუძლიათ თანდათანობით დაამატონ ფუნქციები, რითიც განავითარებენ სერვისებს და შესაბამისად ექნებათ რეგულარული მომხმარებლის მოზიდვის პოტენციალი.

მაგალითად, ბევრი ონლაინ გვერდი იწყებს საბაზო კატეგორიებით, როგორიცაა ტექსტის ატვირთვა, რომლებიც შემდგომ უფრო ვითარდება და იხვეწება. მუდმივი გაფართოვებითა და განვითარებით, თქვენი მომხმარებელი თქვენით დაინტერესებული რჩება.

იმის მიუხედავად, რომ ციფრული მარკეტინგი ყოველდღე იხვეწება და იზრდება, გასაუმჯობესებელი ჯერ კიდევ ბევრია. შეთანხმებების მნიშვნელოვანი ნაწილი ინტერნეტს გარეთ ხდება, მაშასადამე, ეს შესაძლებლობაა შექმნათ ინოვაციური ონლაინ მაღაზია. მეწარმე, რომელიც ორიგინალურია და პრობლემების გადაჭრის ექსტრაორდინალური გზები აქვს, აუცილებლად მიაღწევს წარმატებას ელექტრონულ მარკეტინგში და შექმნის ონლაინ მარკეტს, რომელიც სამყაროს შეცვლის.

ონლაინ შოპინგის უახლესი ტენდენციები

06/06/2019

თუ მოვაჭრეებს სურთ საკუთარი ბიზნესის გადარჩენა და აყვავება გრძელვადიან პერსპექტივაში, მნიშვნელოვანია, რომ გადადგან სწორი ნაბიჯები, რათა არ ჩამორჩნენ თანამედროვე ტენდენციებს. ელექტრონული კომერცია სწრაფად განვითარებადი სფეროა, იგი ყოველ წამს იცვლება და ვისაც ამ სფეროში საუკეთესო რეზულტატების მიღწევა სურს, უნდა გაითავისოს ეს ფაქტი.

ტექნოლოგიურმა განვითარებამ და სმარტფონების ხელმისაწვდომობამ შეცვალა მომხმარებლის დამოკიდებულება პროდუქტის არჩევასა და ონლაინ შოპინგის მიმართ. წარმატების შესანარჩუნებლად ბევრი კომპანია ცდილობს ერთი ნაბიჯით უსწრებდეს კონკურენტებს და არ ჩამორჩეს ტექნოლოგიურ ტრენდებს. კომპანიებს, რომლებსაც არ ეშინიათ ცვლილებების, აუცილებლად ექნებათ კარი ღია განვითარებისა და ფინანსური ზრდისთვის.

ელექტრონული კომერციის 6 ტენდენცია

ელექტრონული კომერციის მიმდინარე და წარსული ტენდენციების თვალის მიდევნება, ერთ-ერთი მნიშვნელოვანი ნაბიჯია კომპანიებისთვის, რომელთაც სურთ უპირატესობა კონკურენტებზე. ბევრი ბრენდი ქმნის სოციალური მედიის ანგარიშებს, რათა დაამყაროს ახლო ურთიერთობა პოტენციურ კლიენტებთან, მოიპოვოს მათი ნდობა და აღიარება. ფასიანი ციფრული რეკლამების გარდა, კომპანიები მიმართავენ კონტენს მარკეტინგს, რათა პოტენციურ კლიენტებს ინტერესი გაუღვივონ შეთავაზებული პროდუქტის მიმართ. ნაცვლად იმისა, რომ უბრალოდ გამოაცხადონ ფასდაკლებები, კომპანიები ფასეულ და ინტენსიურ კონტენტს ქმნიან. გამომდინარე იქიდან, რომ ონლაინ შოპინგისას მომხმარებელს არა აქვს საშუალება შეეხოს და შეიგრძნოს ნივთი, აუცილებელია გამყიდველი კარგი რეპუტაციით სარგებლობდეს. ნდობის მოსაპოვებლად აუცილებელია პროდუქტების ფოტო და ვიდეო მასალის გაზიარება, რეკომენდაციების გამოქვეყნება.

 

 ხმოვანი შესყიდვები

ონლაინ მაღაზიების შექმნა

პროდუქციისა და სერვისების კომპიუტერით ყიდვის შესაძლებლობამ, კომფორტის ახალ საფეხურზე აგვიყვანა. სასურველი ნივთის შესაძენად აღარ არის საჭირო მანქანით საცობებში დგომა მაღაზიამდე მისასვლლად, ამისათვის საჭიროა მაუსის რამდენიმე დაწკაპუნება.შემდგომი წინ გადადგმული ნაბიჯი იყო, როდესაც ხალხმა სასურველი ნივთების შეძენა შეძლო საკუთარი სმარტფონებითა და სხვა პორტატული მოწყობილობებით.

სავარაუდოდ, ხმოვანი შოპინგი მომავალი ტენდენციაა, რომელიც ბაზარს დაიპყრობს. მომხმარებელს შეუძლია შეინახოს თავისი ბილინგის ინფორმაცია და მისამართები ციფრულ ასისტენტში. როდესაც ის მზად იქნება ნივთის შესაძენად, ბრძანებას მისცემს მოწყობილობას, რათა განათავსოს შეკვეთა. ციფრული ასისტენტი მოისმენს ბრძანებას და განათავსებს შეკვეთას მომხმარებლის დადასტურების შემდეგ.

 

 რეალობასთან ადაპტაცია

ონლაინ მაღაზიების დამზადება

სავარაუდოდ, გაფართოებული რეალობა გახდება ერთ-ერთი ყველაზე ეფექტური მარკეტინგული ინსტრუმენტი. ეს არის ფიზიკური სამყაროს აღქმა ციფრული მოწყობილობების საშუალებით.

ავეჯის და სხვა საყოფაცხოვრებო ნივთების ონლაინ შეძენისას, რთულია იმის განსაზღვრა, მოერგება თუ არა ეს ნივთი კონკრეტულ გარემოს. გაფართოებული რეალობის საშუალებით, მომხმარებელს საშუალება ეძლევა, ვირტუალურად განათავსოს ეს ნივთი რეალურ გარემოში.

 

ვირტუალური რეალობა

ონლაინ მაღაზიების დამზადება

ადამიანები ვირტუალურ რეალობაზე 1980 წლიდან ოცნებობენ და ის, რაც ყველას შეუძლებელი ეგონა, დღეს რეალობად იქცა.თქვენ შეგიძლიათ თავზე დაიმაგროთ ვირტუალური რეალობის ჩაფხუტი და შეაბიჯოთ საოცარი დეტალიზაციის მქონე ვირტუალურ სამყაროში და ამ ტექნოლოგიის გამოყენება ონლაინ შოპინგისთვის არის შესაძლებელი.

ვირტუალური რეალობის მოწყობილობის მეშვეობით, მომხმარებელს შესაძლებლობა აქვს შევიდეს ვირტუალურ მაღაზიაში და მოიძიოს გასაყიდი ნივთები. თუკი  ვირტუალური რეალობის მოწყობილობა აღჭურვილია ხელის სენსორებით ან კონტროლერებით, მომხმარებელს პროდუქტის შეძენამდე შეუძლია ვირტუალური ნივთების შერჩევა და დათვალიერება. ადამიანებს შეუძლიათ შერჩეული ნივთების ვირტუალურ კალათაში მოთავსება და ყიდვის პროცესის დასრულებისთვის საჭირო ინფორმაციის შევსება.

 

3D კონფიგურაცია

ონლაინ მაღაზიების შექმნამომხმარებლებს, რომელთაც სურთ გარკვეული პროდუქციის შეკვეთით დამზადება, მაგ. თაროების, კარადების, კარებების და ა.შ. უნდა დაუკავშირდნენ ან ეწვიონ ადგილობრივ სპეციალიზებულ მაღაზიებს, რათა მიიღონ ინფორმაცია და რჩევები შესაძლო ვარიანტებზე. დღესაც და მიმავალშიც 3D კონფიგურაცია დააჩქარებს ამ პროცესს. ყველა შესაძლო ფუნქცია თავმოყრილია ონლაინ კატალოგში და ნებისმიერს შეუძლია შექმნას მისი გემოვნებისა და მოთხოვნილებების შესაბამისი იდეალური პროდუქტი.

 

3D პერსონალიზაცია

ონლაინ მაღაზიების შექმნა

დღევანდელი მომხმარებლები, სულ უფრო მეტად ითხოვენ პერსონალიზირებულ პროდუქტებს, რომლებიც შეესაბამება მათ მოთხოვნებს. 3D პერსონალიზაციის საშუალებით, მომხმარებელს შეუძლია შეცვალოს პროდუქტის ფორმა და მეტი ინდივიდუალურობა შესძინოს მას.

3D პერსონალიზაცია გამოიყენება მანქანებზე, სათამაშოებზე, ხელსაწყოებზე და სხვა. იგი მომხმარებლებს საშუალებას აძლევს, მიიღოს პროდუქტი, რომელიც შეესაბამება მათ ზუსტ მოთხოვნებსა და სიტუაციას.კლიენტები, რომლებმაც პირველად გამოსცადეს 3D პერსონალიზაცია, აღფრთოვანებულები არიან იმ შესაძლებლობებით, რომელთა მიღწევა შეიძლება ამ ციფრული მოწყობილობის მიერ.

 

3D პლასტიკა

ონლაინ მაღაზიების შექმნა

ელექტრონული კომერციის ტრენდენდებზე საუბრისას, უნდა აღინიშნოს 3D პლასტიკა. როდესაც მყიდველი  განათავსებს პერსონალურ შეკვეთას, გამყიდველს შეუძლია გამოიყენოს 3D პლასტიკა, რათა შექმნას ინდივიდუალური პროდუქტი, დამკვეთის საჭიროებისამებრ. ეს ტექნოლოგია საშუალებას აძლევს მწარმოებლებს დაკვეთით შექმნან  უნიკალური პროდუქცია.

დასკვნა

ონლაინ ვაჭრობის მომავალი პერსპექტივები ულევია და ახლო მომავალში ამ სფეროში კარდინალური ცვლილებებია მოსალოდნელი.გარდა იმისა, რომ ეს ტენდენციები ცხოვრებას გაუადვილებს მოხმარებელს, ამავე დროს დაზოგავს კომპანიების დროს, ფულსა და  ენერგიას.

 

პრემიუმ ტექნიკის ონლაინ მაღაზია RUGGED.GE

06/04/2019

ონლაინ მაღაზია Rugged.ge - წარმოადგენს მსოფლიოში უმსხვილესი ბრენდების, ოფიციალურ რეტეილერს.

Rugged.ge - ონლაინ მაღაზია საქართველოს სამომხმარებლო ბაზარზე რამდენიმე წელია ფუნქციონირებს. კომპანია აცნობიერებს ხარისხიანი სერვისის საჭიროებას, რის გამოც ის თანამშრომლობს უმსხვილეს ბრენდების ოფიციალურ სერვის ცენტრებთან. მისი მიზანია იყოს ლიდერი კომპანია, რომელიც მოხმარებელს შესთავაზებს ინტერნეტ სივრცეში მაღალი ხარისხის პრემიუმ ტექნიკას.

Rugged.ge- საკუთარი ონლაინ მაღაზიის შექმნა კომპანია ,,ჯეოფეის მიანდო.

პროექტის ფარგლებში დაინერგა:

✓ ჰოსტინგ მომსახურება;

✓ ონლაინ მაღაზიის ინსტალაცია;

✓ ინტეგრაცია "თიბისი ბანკის“ ელექტრონულ გადახდის სისტემასთან ( VISA /MASTERCARD პლასტიკური ბარათი;

✓ ინტეგრაცია "თიბისი ბანკის“ ონლაინ განვადების სისტემასთან;

✓ ინტეგრაცია ლიბერთი ბანკის ონლაინ განვადების სისტემასთან;

კომპანია "ჯეოფეი" უზრუნველყოფს გაწეული მომსახურების ტექნიკურ მხარდაჭერას.

ეფექტური რეკლამის 5 მეთოდი

06/03/2019
ეფექტური რეკლამის 5 მეთოდი

 

კომპანიის ისტორია დიდ როლს თამაშობს ინტერნეტ მარკეტინგში. მისი საშუალებით მომხმარებელი უკეთ იცნობს კომპანიას. კარგ ისტორიას შეუძლია  მძაფრი ემოციების გაღვივება და ძლიერი კავშირის დამყარება მომხმარებელსა და კომპანიას შორის. ეს კი აუცილებელია ონლაინ სამყაროში, სადაც კომპანიები გამუდმებით აწუხებენ მომხმარებლებს მომაბეზრებელი გზავნილებითა და შემოთავაზებებით.

კვლევების მიხედვით, წელიწადში დაახლოებით 5.3 ტრილიონი რეკლამაა ნაჩვენები. სწორედ ეს რაოდენობაა მიზეზი, თუ რატომაც ბლოკავს აუდიტორია მათ დიდ ნაწილს.ასეთ შემთხვევაში, საინტერესო ისტორია ერთადერთი წარმატებული ხერხია ყურადღების მისაპყრობად.

  1.  ვიდეოგზავნილი

როგორც მარკეტოლოგმა, თქვენ ალბათ უკვე იცით, რომ ადამიანი ინფორმაციას ვიზუალურად უკეთ აღიქვამს, ვიდრე ტექსტის მეშვეობით.

ჯეიმს მეიფილდი ამბობს, რომ დღევანდელი ინფორმაცია ვიზუალურ წარმოჩენაზე უნდა იყოს დაყრდნობილი იმისათვის, რომ შეასრულოს თავისი დანიშნულება.

 “ვიდეოები ხდის ინფორმაციას უფრო ცოცხალსა და დინამიურს,რაც მაყურებელს ინტერესით ავსებს.”

აიღეთ მაგალითი Google-სგან, რომელიც მთელს მსოფლიოში ყველაზე გავლენიანი საძიებო სისტემაა, ის არ უსვამს ხაზს მის გლობალურ პოპულარობას, ის უბრალოდ ამტკიცებს იმ ფაქტს, რომ მომხმარებელი აფასებს საინტერესო სიახლეებს და არა რეკლამებს, რითიც ცდილობს მაგალითი მისცეს სხვა კომპანიებს, რომლებიც დაკავებულები არიან თვით პიარით.

  1.  ინოვაცია

მომხმარებელს უყვარს ინოვაციები და ბრენდები, რომლებსაც ყოველთვის შეუძლიათ რაიმე  საინტერესო და ამაღელვებელის შემოთავაზება. ციფრული სამყარო კვლავ იზრდება და ვითარდება, ეცადე გამოიყენო ეს უპირატესობა და შესთავაზო ხალხს ის რაც არასდროს უნახავთ.

მაგალითად, აიღეთ IKEA, ავეჯის ყველაზე დიდი ონლაინ მაღაზია, რომელმაც შექმნა აპლიკაცია-IKEA Place.

 

მათ დაამატეს აპლიკაციას პატარა, მაგრამ არსებითი დეტალი, რომელიც საშუალებას აძლევს მომხმარებელს გამოცადოს პროდუქტი ყიდვამდე. “ობიექტებს როგორც რეალურს ისე აღიქვამ, შეგიძლია ყველა კუთხით შეაფასო, ამის გამოცდა ნამდვილი სასწაულია”.

კომპანია IKEA-ს ინოვაცია საკმაოდ მარტივია, მაგრამ არც არის საჭირო მათი გართულება მყიდველის მისაზიდად.

  1.  სოციოლოგიური მტკიცებულება

იცოდით, რომ მომხმარებელთა 92% რეკომენდაციას უფრო ენდობა ვიდრე რეკლამას? „Word ofmouthMarketing“ სიახლე არ არის, მაგრამ ბოლო პერიოდში ძალიან მნიშვნელოვანი გახდა მარკეტოლოგებისათვის. თუ გინდა, რომ შენი ისტორია ავტორიტეტული და დამაჯერებელი იყოს, დაამატე მომხმარებელთათვის სარეკომენდაციო წერილების სექცია.

სწორედ ასე მოიქცა Starbucks-ს ერთ-ერთი ვიდეოში, რომელშიც გვიამბობს თუ როგორ გახდა ჩვეულებრივი ყავის მაღაზია საერთაშორისო ბრენდი. რამდენიმე Starbucks-ის რეგულარულმა მომხმარებელმა განათავსა თავისი პირადი ისტორია, გამოცდილება, პირველი ვიზიტი, შთაბეჭდილებები და ა.შ. ამ ყველაფრის წაკითხვის შემდეგ, შენ დაუფიქრებლად გაეშურებიStarbucks-ში!

 

   4. მინი რეკლამები

 

დღევანდელი მომხმარებლები მოუთმენლები არიან. დღის განმავლობაში ისინი ძალიან ბევრ ინფორმაციას იღებენ, შენ კი არ გაქვს ფუფუნება, რომ შეაწუხო ისინი ხანგრძლივი რეკლამებით. კვლევები გვიჩვენებს, რომ რეკლამა, რომელიც  90 წამზე ნაკლებია,მაყურებლთა 59%-ს ინარჩუნებს ვიდეოს დასრულებამდე, ხოლო 30 წუთიანი მხოლოდ 14%-ს.

აქტუალურია ხანგრძლივობის კიდევ უფრო შემცირება. მარკეტინგ ლიდერები ტვირთავენ რეკლამებს,  რომელთა ხანგრძლივიბა 10 წამზე ნაკლებია. იდეალურ დროდ 6 წამია მიჩნეული, ყველა ცდილობს რაც შეიძლება მოკლე დროში მოათავსოს საინტერესო და დამაინტრიგებელი გზავნილი.

  1.  სოციალური პასუხისმგებლობა

ინფორმაციის გადმოცემა და კორპორაციული სოციალური პასუხისმგებლობა იდეალური კომბინაციაა. ეს ტენდენციაა, რომელიც დიდხანს გაგრძელდება.

ბარონ ფიგმა ეს დიდი ხნის წინ აღმოაჩინა და სწორედ ამიტომ დააარსა კომპანია “იყიდე წიგნი, დარგე ხე”.  ბრენდი ყვება ისტორიას იმაზე, რომ დედამიწა უკეთეს ადგილად უნდა გავხადოთ, ვიდრე აღმოვაჩინეთ, და ამისათვის ერთ-ერთი გზა მცენარეების დარგვაა.

 

ამ ისტორიის მორალი? ჩვენ ყველას გვინდა სარგებლის მიღება, მაგრამ ეს არ უნდა იყოს ჩვენი პრიორიტეტი.

 

დასკვნა:

ინფორმაციული მარკეტინგი შორს ვერ წაგიყვანთ, თუ თქვენს გზავნილებს საინტერესო ფაქტებით არ დატვირთავთ. მომხმარებელს მობეზრდა რეკლამები, ამიტომაც აუცილებელია დღევანდელი ტენდენციების გათვალისწინება და მომხმარებლის აღელვება ბრენდის ისტორიებით.

ამ პოსტში ჩვენ გესაუბრეთ ინფორმაციის გადმოცემის ხერხებზე, რომლებიც ყველა გამოცდილმა მარკეტოლოგმა უნდა იცოდეს. გაეცანით ჩვენს საინტერესო სტატიებს და მიიღეთ სასარგებლო რჩევები თქვენი ბიზნესის ონლაინ პოზიციონირებისათვის.

ღვინის ონლაინ მაღაზია 8000VINTAGES.GE

06/02/2019

ონლაინ მაღაზია https://8000vintages.ge/ წარმოგიდგენთ ქართული ღვინის ფართო ასორტიმენტს. მომხმარებელს საშუალება აქვს სასურველი ღვინო შეიძინოს, როგორც ადგილზე, ასევე ონლაინ, სახლიდან გაუსვლელად.

ამ ეტაპზე 1941 ღვინიდან, დამოუკიდებელი სადეგუსტაციო კომისიის მიერ, 925 ღვინო შეირჩა, რომლებიც უკვე თაროებზეა. ბარში, ყოველგვარი მომსახურების ფასნამატის გარეშე, შეგიძლიათ დააგემოვნოთ სასურველი ღვინო. კომპანია ხშირად ატარებს ღვინის მასტერკლასებსა და დეგუსტაციებს.

ონლაინ მაღაზია 8000vintages.ge კომპანია ჯეოფეის მხარდაჭერით შეიქმნა.

პროექტის ფარგლებში დაინერგა:


✓ ჰოსტინგ მომსახურება;

✓ ონლაინ მაღაზიის ინსტალაცია;

✓ ინტეგრაცია "თიბისი ბანკის“ ელექტრონულ გადახდის სისტემასთან ( VISA /MASTERCARD პლასტიკური ბარათი);

✓ საბუღალტრო პროგრამა „ფინას“ სინქრონიზაცია ონლაინ მაღაზიასთან;

კომპანია ,,ჯეოფეი“

უზრუნველყოფს გაწეული მომსახურების ტექნიკურ მხარდაჭერას.